മാരാരിക്കുളം വടക്ക് പോസ്റ്റ് ഓഫീസിലെ ഗ്രാമീണ്‍ ഡാക്ക് സേവക് (പോസ്റ്റ് മാസ്റ്റര്‍) പള്ളിപ്പുറം പാമ്ബുംതറയില്‍ അമിതാനാഥിനെയാണ് (29) മാരാരിക്കുളം പൊലീസ് അറസ്റ്റ് ചെയ്തത്.
നിക്ഷേപകര്‍ക്ക് വ്യാജ അക്കൗണ്ട് നമ്ബരുകള്‍ സ്വന്തം കൈപ്പടയില്‍ എഴുതി നല്‍കിയിരുന്നു. പണം അക്കൗണ്ടില്‍ ഇട്ടിട്ടുണ്ടെന്ന് നിക്ഷേപകരെ തെറ്റിദ്ധരിപ്പിച്ച ശേഷം അക്കൗണ്ട് ബുക്കില്‍ തുക രേഖപ്പെടുത്തി ഓഫീസ് സീല്‍ പതിച്ചു നല്‍കുന്നതും പതിവായിരുന്നു. ഈ പണം ആര്‍ഭാട ജീവിതത്തിന് ഉപയോഗിക്കുകയായിരുന്നെന്ന് പൊലീസ് പറഞ്ഞു.ഇവര്‍ക്ക് 20,000 രൂപയ്ക്കു മേല്‍ മാസശമ്ബളം ഉണ്ടായിരുന്നു.
മാരാരിക്കുളം പൊലീസ് സ്റ്റേഷനില്‍ അമിതാനാഥിനെതിരെ ഇരുപതോളം കേസുകള്‍ രജിസ്റ്റര്‍ ചെയ്തിട്ടുണ്ട്. സി.ഐ എ.വി.ബിജുവിന്റെ നേതൃത്വത്തില്‍ സബ് ഇന്‍സ്‌പെക്ടര്‍മാരായ ഇ.എം.സജീര്‍, ജാക്സണ്‍, സീനിയര്‍ സിവില്‍ പൊലീസ് ഓഫീസര്‍മാരായ ലതി, മഞ്ജുള എന്നിവര്‍ അടങ്ങിയ അന്വേഷണ സംഘമാണ് പ്രതിയെ അറസ്റ്റ് ചെയ്തത്. കൂടുതല്‍ ആളുകള്‍ തട്ടിപ്പിന് ഇരയായിട്ടുണ്ടോയെന്ന് പൊലീസ് പരിശോധിക്കുന്നുണ്ട്.
