വയനാട്: ഭര്‍ത്താവിനെയും മൂന്ന് കുഞ്ഞുങ്ങളെയും ഉപേക്ഷിച്ച്‌ കാമുകനോടൊപ്പം ഒളിച്ചോടിയ 27കാരി പിടിയില്‍. കൂരാച്ചുണ്ട് സ്വദേശിനിയായ യുവതിയെയും 26കാരനായ കാമുകനെയും വയനാട്ടിലെ വൈത്തിരിയില്‍ നിന്നാണ് പൊലീസ് പിടികൂടിയത്.
കഴിഞ്ഞ നാലാം തീയതി മുതല്‍ യുവതിയെ കാണാതായിരുന്നു. തുടര്‍ന്ന് വിദേശത്തുള്ള ഭര്‍ത്താവിന്റെ ആവശ്യപ്രകാരം ബന്ധുക്കള്‍ പൊലീസില്‍ പരാതി നല്‍കുകയായിരുന്നു. കുഞ്ഞുങ്ങളെ ഉപേക്ഷിച്ച്‌ കാമുകനൊപ്പം പോയതിന് യുവതിക്കെതിരെയും പ്രേരണാക്കുറ്റത്തിന് കാമുകനെതിരെയും കേസെടുത്തിട്ടുണ്ട്. പേരാമ്ബ്ര കോടതിയില്‍ ഹാജരാക്കിയ ഇരുവരെയും റിമാന്‍ഡ് ചെയ്തു.
