മാസങ്ങൾ നീണ്ട അന്വേഷണത്തിനൊടുവിലാണ് ആവശ്യക്കാർ കൈമാറിയ ‘ലൊക്കേഷനുകളിൽ’ മയക്കുമരുന്ന് എത്തിച്ചു നൽകുന്ന ഇവരെ എക്സൈസ് വലയിൽ കുടുക്കിയത്.
കൊല്ലം സ്വദേശിയും എറണാകുളത്തെ സ്വകാര്യ സ്ഥാപനത്തിലെ വിദ്യാർഥിയുമായ ബ്ലേസി(21)യാണ് അറസ്റ്റിലായത്.
കോഴിക്കോട് സ്വദേശിയാണ് ഇവർക്ക് വൻതോതിൽ എംഡിഎംഎ നൽകുന്നതെന്നും ഇയാളുൾപ്പെടെ ഏഴുപേരാണ് മയക്കുമരുന്ന് കച്ചവടത്തിന്റെ സൂത്രധാരന്മാരെന്നും കണ്ടെത്തി. ഇവർക്കായി അന്വേഷണം ഊർജിതമാക്കിയിട്ടുണ്ട്.
21 കാരിയായ യുവതി വാടകയ്ക്ക് താമസിച്ചിരുന്ന ഫ്ലാറ്റിൽ നിന്ന് 2.5 ഗ്രാമിൽ കൂടുതൽ എംഡിഎംഎ കണ്ടെടുത്തു. ഇവർക്കൊപ്പം താമസിച്ചിരുന്ന മൂന്ന് യുവതികൾക്കും മയക്കുമരുന്ന് കച്ചവടത്തിൽ പങ്കുള്ളതായി സംശയിക്കുന്നു.
മത്സ്യത്തൊഴിലാളിയുടെ മകൾ ഏവിയേഷൻ കോഴ്‌സ് പഠിക്കാനാണ് കൊച്ചിയിലെത്തിയത്. ക്ലാസിൽ പോകാതെ സ്പായിൽ ജോലിക്ക് പോയി. ജോലി നഷ്ടപ്പെട്ടതോടെയാണ് മയക്കുമരുന്നിന് അടിമയായതെന്നാണ് റിപ്പോർട്ട്.
ചൊവ്വാഴ്ച എറണാകുളം നോർത്തിലെ ഫ്‌ളാറ്റിലെത്തി എക്സൈസ് ഉദ്യോഗസ്ഥർ യുവതിയെ പിടികൂടി. കോഴിക്കോട് സ്വദേശി വാടകയ്ക്ക് എടുത്ത ഫ്ലാറ്റാണിത്. ഇതിന് പുറമെ രണ്ട് ഫ്‌ളാറ്റുകളും ഇയാൾ വാടകയ്ക്ക് എടുത്തിട്ടുണ്ട്. കൂടുതൽ പേർ ഉൾപ്പെട്ടിട്ടുണ്ടെന്ന് സംശയിക്കുന്നു.
പ്രതിദിനം 7000 രൂപ
വെളുപ്പിന് 2.30ന് തുടങ്ങുന്ന ലഹരി 7:00ന് അവസാനിക്കും. ഒരു ദിവസം കുറഞ്ഞത് ഏഴ് പോയിന്റുകളെങ്കിലും മരുന്നുകൾ എത്തിക്കും. പ്രതിദിനം 7000 രൂപയായിരുന്നു പെൺകുട്ടിക്ക് ലഭിച്ചിരുന്നത്. ആഡംബര ജീവിതം നയിച്ചു. താൻ കൊച്ചിയിൽ ജോലി ചെയ്യുകയാണെന്ന് വീട്ടുകാരോട് പറഞ്ഞു. 'ജോലി' കഴിഞ്ഞാൽ രാത്രി വരെ ഉറക്കമാണ് പതിവ്.
കലൂരിൽ എംഡിഎംഎ പിടികൂടിയ യുവാവിൽ നിന്നാണ് 21കാരിയെ കുറിച്ച് എക്സൈസിന് വിവരം ലഭിച്ചത്. അന്വേഷണത്തിൽ എല്ലാ ഇടപാടുകളും ഇൻസ്റ്റാഗ്രാം വഴിയാണ് നടന്നതെന്നും അത് നിയന്ത്രിക്കുന്നത് മറ്റു ചിലർ ആണെന്നും കണ്ടെത്തി.
ഇൻസ്റ്റാഗ്രാമിലൂടെ സന്ദേശമയച്ചാണ് മയക്കുമരുന്ന് കച്ചവടം നടക്കുന്നതെന്ന് സ്ഥിരീകരിച്ചു. പെൺകുട്ടിയുടെ താമസ സ്ഥലവും കണ്ടെത്തി. പിടിക്കപ്പെടാതിരിക്കാൻ അവർ സിം ഇല്ലാതെ ഹോട്ട്‌സ്‌പോട്ട് ഉപയോഗിച്ച് നെറ്റ് ഉപയോഗിക്കുന്നു. പിടിയിലായ യുവതിയുടെ ഫോൺ കണ്ടത്തേണ്ടതുണ്ടെന്ന് എക്സൈസ് ഉദ്യോഗസ്ഥർ അറിയിച്ചു.
