കേന്ദ്രസർക്കാർ അംഗീകരിച്ച കണക്ക് 8175 കോടിയാണെങ്കിലും യഥാർഥ ചെലവ് ടെൻഡറിലൂടെ മാത്രമേ അറിയാൻ കഴിയൂവെന്ന് സംസ്ഥാന സർക്കാർ തന്നെ വ്യക്തമാക്കിയിട്ടുണ്ട്. നിലവിൽ ഒരു സ്മാർട്ട് മീറ്ററിന് 6000 രൂപയാണ് കേന്ദ്രം നിശ്ചയിച്ചിരിക്കുന്നത്. എന്നാൽ ചെലവ് ഇനിയും കൂടും.
ആർഡിഎസ്എസ് പദ്ധതിയുടെ മാർഗ്ഗനിർദ്ദേശങ്ങൾ അനുസരിച്ച്, സ്മാർട്ട് മീറ്റർ സ്ഥാപിക്കുന്നതിന് ചെലവഴിച്ച തുക 93 മാസത്തിനുള്ളിൽ കരാർ കമ്പനിക്ക് തിരികെ നൽകണം. ഇത് ജനങ്ങളിൽ നിന്ന് വീണ്ടെടുക്കാൻ ആർഡിഎസ്എസ് പദ്ധതി മാർഗരേഖയിൽ പറയുന്നുണ്ട്.
ഇത് മെയിന്റനൻസ് ചെലവായി കണക്കാക്കി റഗുലേറ്ററി കമ്മിഷനിൽ അടച്ച് മാസാടിസ്ഥാനത്തിൽ ഇടപാടുകാരിൽ നിന്ന് ഈടാക്കാനാണ് നീക്കം. ഇതോടെ ഒരു ഉപഭോക്താവ് പ്രതിമാസം 100 രൂപ അധികം നൽകണം. നിലവിലെ സംവിധാനത്തിൽ ബില്ലിനൊപ്പം 200 രൂപ നൽകണം.
ഇതിനായി പ്രോജക്ട് മാനേജ്‌മെന്റ് ഏജൻസിയെ ക്ഷണിച്ചുകൊണ്ടുള്ള ടെൻഡർ സംസ്ഥാന സർക്കാർ വെബ്‌സൈറ്റിൽ വന്നിട്ടുണ്ട്.
