കൊവിഡ് ഒമൈക്രോൺ ബിഎഫ്-7 വേരിയന്റിന്റെ റിപ്പോർട്ട് പുറത്തുവന്നതോടെ ഇന്ത്യയിലും പ്രതിരോധ പ്രവർത്തനങ്ങൾ ഊർജിതമാക്കിയിട്ടുണ്ട്.
കൊവിഡ് മാനദണ്ഡങ്ങൾ പാലിക്കാൻ കേന്ദ്രസർക്കാർ സംസ്ഥാനങ്ങൾക്ക് നിർദേശം നൽകി.
Omicron BA 5 ന്റെ ഒരു ഉപവിഭാഗമാണ് BF 7. ഈ വേരിയന്റ് അഞ്ചിരട്ടി വ്യാപന ശേഷിയുള്ളതാണെന്നും മരണനിരക്ക് കൂടുതലാണെന്നും സോഷ്യൽ മീഡിയയിൽ ഒരു സന്ദേശം പ്രചരിക്കുന്നുണ്ട്.
ഈ സന്ദേശം വ്യാജമാണെന്ന് കേന്ദ്ര ആരോഗ്യമന്ത്രാലയം അറിയിച്ചു.
വൈറലായിക്കൊണ്ടിരിക്കുന്ന സന്ദേശത്തിന്റെ സ്‌ക്രീൻഷോട്ട് സഹിതം ഇത് വ്യാജമാണെന്ന് ആരോഗ്യ മന്ത്രാലയം ട്വീറ്റ് ചെയ്തു. വാട്‌സ്ആപ്പ് ഗ്രൂപ്പുകളിൽ പ്രചരിക്കുന്ന ഈ സന്ദേശം തെറ്റാണെന്നും വിശ്വസിക്കരുതെന്നും ട്വീറ്റിൽ പറയുന്നു.
