ജീവികളുടെ ശരീരത്തിലെ ഏറ്റവും പ്രധാന ഭാഗമാണ് ശിരസ് അല്ലെങ്കില്‍ തല. കാണുകയും കേള്‍ക്കുകയും ശ്വസിക്കുകയും ഗന്ധം അനുഭവിക്കുകയും രുചിക്കുകയും ശബ്ദം ഉണ്ടാക്കുകയും ഇതിനെല്ലാം വേണ്ട നിര്‍ദേശങ്ങള്‍ തരുകയും ചെയ്യുന്ന അവയങ്ങളെല്ലാം സ്ഥിതി ചെയ്യുന്നത് തലയിലാണ്.
ജീവനുള്ള ജീവിയുടെ ശരീരത്തില്‍ നിന്നും അതിന്‍റെ ശിരസ് വേര്‍പെടുത്തിയാല്‍ പിന്നെ മരണം സംഭവിച്ചുവെന്നാണ് അര്‍ത്ഥം. എന്നാല്‍, ചില ജീവികള്‍ക്ക് അവയുടെ ശരീരത്തില്‍ നിന്നും തല വേര്‍പെട്ടു പോയാലും അല്പസമയം കൂടി ജീവൻ പിടിച്ചു നിര്‍ത്താൻ സാധിക്കും. അത്തരത്തില്‍ വിശേഷ കഴിവുള്ള ചില ജീവികളിതാ.
1. പാറ്റ
ഒരു ആണവ യുദ്ധത്തെ പോലും അതിജീവിക്കാൻ സാധ്യതയുള്ള ജീവിയായാണ് പാറ്റയെ പലപ്പോഴും വിശേഷിപ്പിക്കാറ്. കാരണം ഇവയ്ക്ക് രണ്ടാഴ്ച കാലത്തോളം തലയില്ലാതെ തന്നെ ജീവൻ പിടിച്ച്‌ നിര്‍ത്താൻ സാധിക്കും. മനുഷ്യൻ അടക്കമുള്ള മറ്റു ജീവികളെ പോലെ ഇവയുടെ തല മുറിച്ചു മാറ്റിയാലും അല്പം പോലും രക്തം ഒഴുകില്ല.
അവര്‍ക്ക് ഒരു തുറന്ന രക്തചംക്രമണ സംവിധാനമുണ്ട്, ഇത് രക്തസമ്മര്‍ദ്ദം കുറയ്ക്കുന്നു. രണ്ടാമതായി, പാറ്റകള്‍ക്ക് ശ്വസിക്കാൻ അവയുടെ തല ആവശ്യമില്ല, കാരണം അവ സ്പൈക്കിള്‍സ് എന്നറിയപ്പെടുന്ന ചെറിയ ദ്വാരങ്ങളിലൂടെയാണ് ശ്വാസോച്ഛ്വാസം നടത്തുന്നത്. തലയില്ലാത്ത പാറ്റകളുടെ മരണം സംഭവിക്കുന്നത് പട്ടിണിയിലൂടെ മാത്രമാണ്. അതിന് തന്നെ ആഴ്ചകള്‍ എടുക്കും.ലോകത്ത് ഏറ്റവും കൂടുതല്‍ കാലം അതിജീവിച്ച ജീവിവര്‍ഗ്ഗവും പാറ്റകളാണ്.
2. തേനീച്ച
തേനീച്ചകള്‍ക്ക് ചത്താലും തന്‍റെ ശത്രുവിനെ കുത്തി വേദനിപ്പിക്കാന്‍ കഴിയും. മാത്രമല്ല, ജീവൻ നഷ്ടപ്പെട്ടതിന് ശേഷവും വളരെക്കാലം ഇവയുടെ ശരീരത്തിലെ വിഷവിതരണ സംവിധാനം പ്രവര്‍ത്തിക്കും. കാരണം തേനീച്ചയുടെ ജീവല്‍പ്രവര്‍ത്തനങ്ങളെ നിയന്ത്രിക്കുന്നത് തലച്ചോര്‍ അല്ല മറിച്ച്‌ സ്വമേധയായുള്ള പ്രേരണകളാണ്. അതുകൊണ്ടുതന്നെ ചത്ത തേനീച്ചകളെ എടുക്കുമ്ബോഴും കുത്തേല്‍ക്കാനുള്ള സാധ്യത കൂടുതലാണ്. തേനീച്ച കുത്തുമ്ബോള്‍ ഇരയുടെ ചര്‍മ്മത്തിലേക്ക് മുള്ള് പോലുള്ള ഒരു ചെറിയ അവയവം തേനീച്ചയുടെ ശരീരത്തില്‍ നിന്നും കയറും, അതില്‍ തേനീച്ച വിഷവും വിഷം പുറത്തേക്ക് എത്തിക്കുന്നതിനായി ഒരു ചെറിയ പേശിയും അടങ്ങിയിട്ടുണ്ട്. അതിനാല്‍ തേനീച്ചകള്‍ ചത്തതാണെങ്കിലും അതിനെ എടുക്കുന്നത് അപകടകരമാണ്.
3. കോഴി
തല ഛേദിക്കപ്പെട്ടാലും ഏതാനും മണിക്കൂറുകള്‍ വരെ ഓടാൻ ശേഷിയുള്ള ജീവിയാണ് കോഴി. ഇത്തരം സംഭവങ്ങള്‍ നിങ്ങള്‍ പലപ്പോഴും നേരിട്ടിട്ടുമുണ്ടാകും. എന്നാല്‍ ഇതിന് പിന്നിലെ കാരണം വളരെ ലളിതമാണ്, കോഴിയുടെ തല വെട്ടുമ്ബോള്‍ നമ്മുക്കുണ്ടാകുന്ന ചെറിയൊരു പിശകാണ് ഇതിന് കാരണം. കോഴിയുടെ കേന്ദ്ര നാഡീവ്യൂഹം മനുഷ്യരില്‍ നിന്ന് വളരെ വ്യത്യസ്തമാണ്. മാത്രമല്ല, കോഴിയുടെ അടിസ്ഥാന ശാരീരിക പ്രവര്‍ത്തനങ്ങള്‍ നിയന്ത്രിക്കുന്നത് തലച്ചോറല്ല, മറിച്ച്‌ മസ്തിഷ്ക വ്യവസ്ഥയുടെ ചില ഭാഗങ്ങളാണ്. കോഴിയുടെ തല വെട്ടുമ്ബോള്‍ കഴുത്തിന് മുകളിലായി വളരെ ഉയരത്തില്‍ വച്ചാണ് മുറിക്കുന്നതെങ്കില്‍ അത് കോഴിയുടെ മുൻഭാഗം മാത്രമാണ്, തലച്ചോറിന്‍റെ തണ്ടും മസ്തിഷ്കവും ഇത്തരം സമയങ്ങളില്‍ മുറിവേല്‍ക്കാതെ സമയങ്ങളില്‍ മുറിവേല്‍ക്കാതെ അവശേഷിക്കുന്നതിനാലാണ് കോഴി ചിലപ്പോള്‍ ഏതാനും മിനിറ്റുകള്‍ മുതല്‍ മണിക്കൂറുകള്‍ വരെ ജീവൻ പോകാതെ ശരീരം ചലിപ്പിക്കുന്നതിന് കാരണം.
4. നീരാളി
ശരീരം മുറിച്ചാലും ഒരു നീരാളികള്‍ക്ക് ചലിക്കാന്‍ സാധിക്കുന്നു. കാരണം നീരാളികളുടെ നാഡീവ്യൂഹം വളരെ വ്യത്യസ്തമാണ്. നീരാളികളുടെ നാഡീകോശങ്ങളില്‍ ഭൂരിഭാഗവും അവയില്‍ മൂന്നില്‍ രണ്ടെണ്ണം അതിന്‍റെ ടെന്‍റിക്കിളുകളില്‍ (നീരാളികൈ) കാണാം. ഈ നീരാളി കൈകള്‍ക്ക് പ്രധാന തലച്ചോറുമായി ബന്ധമില്ലെങ്കിലും അതിന്‍റെ ഉത്തേജകങ്ങളോട് പ്രതികരിക്കാന്‍ സാധിക്കുന്നു. അതായത് മരിച്ച്‌ വളരെ കാലങ്ങള്‍ക്ക് ശേഷവും അവയ്ക്ക് ശരീരം ഉപയോഗിച്ച്‌ പ്രതികരിക്കാന്‍ സാധിക്കുമെന്നര്‍ത്ഥം. ഇങ്ങനെ പ്രതികരിക്കുമ്ബോഴാണ് മറ്റ് ശരീരഭാഗങ്ങള്‍ ചലിക്കുന്നത്.
5. ഫ്ലാറ്റ്‌വോമുകള്‍
ഫ്ലാറ്റ്‌വോമുകള്‍ അല്ലെങ്കില്‍ പ്ലാനേറിയൻമാരെ പുനരുജ്ജീവനത്തിന്‍റെ മാസ്റ്റേഴ്സ് എന്നാണ് വിളിക്കുന്നത്, അവയ്ക്ക് ഛേദിക്കപ്പെട്ടതിന് ശേഷം ശരീരത്തിന്‍റെ ഏത് ഭാഗവും സ്വയം പുനര്‍നിര്‍മ്മിക്കാൻ കഴിയും. ഒന്നിനെ പകുതിയായി മുറിച്ചാല്‍ തലയുടെ ഭാഗം ഒരു വാലും വാല്‍ ഭാഗം ഒരു തലയും സ്വയം വളര്‍ത്തും. 20 കഷണങ്ങളായി മുറിച്ചാല്‍, 20 പുതിയ പുഴുക്കള്‍ തന്നെ സൃഷ്ടിക്കപ്പെടും. ഇത്തരത്തില്‍ നോട്ടിംഗ്ഹാം സര്‍വകലാശാലയിലെ ശാസ്ത്രജ്ഞര്‍ 20,000-ത്തിലധികം പുഴുക്കളുടെ ഒരു കോളനി തന്നെ സൃഷ്ടിച്ചിട്ടുണ്ട്. വിഭജിക്കാത്ത ഒരു പുഴുവിന് അണുബാധയോ മറ്റേതെങ്കിലും രോഗമോ പിടിപെടുന്നില്ലെങ്കില്‍ എന്നേക്കും ജീവിക്കുമെന്നാണ് പറയപ്പെടുന്നത്. അതിനാല്‍ അവ അടിസ്ഥാനപരമായി അവ അനശ്വര ജീവികളാണ്.
