കോഴിക്കോട്: കോതി അഴിമുഖത്ത് പുലിമുട്ട് നിര്മാണത്തിനിടെ ജെ സി ബി മറിഞ്ഞ് കടലിലേയ്ക്ക് വീണു. കല്ലിടല് നടക്കുന്നതിനിടെയാണ് കല്ലായി പുഴ ചേരുന്ന കോതി അഴിമുഖത്തേക്ക് ജെ സി ബി മറിഞ്ഞത്.
ജെസിബി ഓപ്പറേറ്റര്ക്ക് പരുക്കേറ്റു. ഇയാളെ ആശുപത്രിയില് പ്രവേശിപ്പിച്ചു. പരിക്ക് ഗുരുതരമല്ലെന്നാണ് വിവരം.
ഇന്ന് രാവിലെ 10.20 ഓടെയാണ് സംഭവമുണ്ടായത്. സംഭവം കണ്ടുനിന്നയാള് എടുത്ത വീഡിയോ ദൃശ്യങ്ങള് പുറത്തുവന്നു. 'ജെ സി ബി കടലിലേക്ക് വീണൂ' എന്ന് അലറിവിളിക്കുന്നതും 'ഓടിവാ' എന്ന് സമീപത്തുണ്ടായിരുന്നവരോട് ആവശ്യപ്പെടുന്നതും വീഡിയോയില് കേള്ക്കാം. സംഭവസ്ഥലത്ത് പൊലീസും അഗ്നിരക്ഷാസേനയും എത്തിയിട്ടുണ്ട്.