ബെംഗളൂരു: ഒഡിഷയില് 288 പേരുടെ മരണത്തിനിടയാക്കിയ ട്രെയിൻ ദുരന്തത്തില് മൃതദേഹങ്ങളോട് അപമര്യാദയായി പെരുമാറിയെന്ന് ആക്ഷേപം ഉയരുന്നു.
മൃതദേഹങ്ങള് മര്യാദയില്ലാതെ കൈകാര്യം ചെയ്യുന്ന വീഡിയോ ട്വിറ്ററില് പങ്കുവെച്ച് യൂത്ത് കോണ്ഗ്രസ് ദേശീയ അധ്യക്ഷൻ ബി വി ശ്രീനിവാസ് രൂക്ഷ വിമര്ശനം ഉയര്ത്തി. മൃഗങ്ങളല്ല മനുഷ്യൻമാര് ആണിതെന്നാണ് ട്വീറ്റില് പറയുന്നത്. ഗുഡ്സ് ഓട്ടോയിലേക്ക് മൃതദേഹങ്ങള് വലിച്ച് എറിയുന്നതാണ് ദൃശ്യങ്ങളില് ഉള്ളത്.
രാജ്യത്തെ നടുക്കിയ ഒഡീഷ ട്രെയിൻ അപകടത്തില് ഏറ്റവും ഒടുവിലത്തെ കണക്ക് പ്രകാരം മരണം 288 ആയി. ആയിരത്തിലേറെ പേര്ക്ക് പരിക്കുണ്ട്. ഇവരില് 56 പേരുടെ നില ഗുരുതരമാണ്.
ഇന്നലെ വൈകീട്ട് 6.55നാണ് ബാലസോറിലെ ബഹനഗ റെയില്വേ സ്റ്റേഷന് സമീപം കോറമണ്ഡല് എക്സ്പ്രസ് ട്രാക്ക് മാറി ചരക്കു വണ്ടിയില് ഇടിച്ചുകയറിയത്. പാളം തെറ്റിയ ബോഗികളില് മൂന്നെണ്ണം തൊട്ടടുത്ത ട്രാക്കില് പോവുക ആയിരുന്ന ഹൗറ സൂപ്പര് ഫാസ്റ്റിന് മുകളിലേക്ക് വീണതാണ് ദുരന്തത്തിന്റെ വ്യാപ്തി കൂട്ടിയത്. ഇന്ന് ഉച്ചയോടെ രക്ഷാപ്രവര്ത്തനം അവസാനിപ്പിച്ചു. പ്രധാനമന്ത്രി നരേന്ദ്രമോദി അപകടസ്ഥലത്ത് എത്തി. ദുരന്തത്തില് ഉന്നതതല അന്വേഷണവും റെയില്വേ പ്രഖ്യാപിച്ചു.
ये इंसान है, कोई जानवर नही 🙏🙏 pic.twitter.com/OS2hLJ5Pz2
