കടുവ ആക്രമണത്തില് സ്ത്രീ മരിച്ച മാനന്തവാടി പഞ്ചാരക്കൊല്ലിയില് നാട്ടുകാരുടെ പ്രതിഷേധം. മന്ത്രി ഒ ആര് കേളുവിനെ പ്രതിഷേധക്കാര് തടഞ്ഞു.
പ്രിയദര്ശിനി എസ്റ്റേറ്റിന് മുന്നിലാണ് പ്രതിഷേധം. കൊല്ലപ്പെട്ട രാധയുടെ മൃതദേഹം അവിടെ എത്തിച്ചിരിക്കുകയാണ്.
മാധ്യമങ്ങളോട് കാര്യങ്ങള് വിശദീകരിക്കാന് മന്ത്രിയെ നാട്ടുകാര് സമ്മതിച്ചില്ല. കടുവയെ വെടിവെച്ചുകൊല്ലണമെന്നാണ് പ്രതിഷേധക്കാര് ആവശ്യപ്പെടുന്നത്. എന്നാല് കൂടുവെച്ചോ മയക്കുവെടിവെച്ചോ കടുവയെ പിടിക്കലാണ് ആദ്യഘട്ടമെന്ന് മന്ത്രി പ്രതികരിച്ചത് നാട്ടുകാരെ കൂടുതല് പ്രകോപിപ്പിച്ചു. കക്ഷി രാഷ്ട്രീയമില്ലാതെയാണ് തങ്ങളുടെ പ്രതിഷേധമെന്നും നാട്ടുകാർ പറയുന്നുണ്ട്.
അതേസമയം നരഭോജി കടുവയെ വെടിവെക്കാൻ വനംവകുപ്പ് നടപടി തുടങ്ങിയെന്നാണ് വിവരം.
കടുവയെ കൂട് വെച്ചോ വെടി വെച്ചോ പിടിക്കുമെന്നും വെടിവെക്കാൻ ഉത്തരവ് നല്കിയെന്നും വനംനകുപ്പ് മന്ത്രി എ കെ ശശീന്ദ്രൻ അറിയിച്ചു. ചെയ്യാവുന്നതിന്റെ പരമാവധി സർക്കാർ ചെയ്യുമെന്നും ധനസഹായം ഉള്പ്പെടെ കൊല്ലപ്പെട്ട രാധയുടെ കുടുംബത്തിന് നല്കുമെന്നും അദ്ദേഹം കൂട്ടി ചേർത്തു.
വനംവകുപ്പ് താത്ക്കാലിക വാച്ചറുടെ ഭാര്യയാണ് രാധ. മാനന്തവാടി പഞ്ചാരക്കൊല്ലി പ്രിയദര്ശിനി എസ്റ്റേറ്റ് സമീപത്തുവെച്ചാണ് രാധയെ കടുവ ആക്രമിച്ചത്.
എസ്റ്റേറ്റ് തൊഴിലാളിയായ രാധ വെള്ളിയാഴ്ച രാവിലെ വനത്തോടു ചേർന്ന സ്വകാര്യ തോട്ടത്തില് കാപ്പി പറിക്കാൻ പോയപ്പോഴാണ് ആക്രമണം. രാധയെ കൊന്നശേഷം മൃതദേഹം വലിച്ചിഴച്ചുകൊണ്ടുപോയതായാണു വിവരം.
വനത്തില് പരിശോധന നടത്തുകയായിരുന്ന തണ്ടർബോള്ട്ട് സംഘമാണു മൃതദേഹം കണ്ടെത്തിയത്. തുടർന്നു മറ്റുള്ളവരെ വിവരം അറിയിക്കുകയായിരുന്നു. വനംവകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തുകയാണ്. പുല്പള്ളിയില് കടുവയെ പിടികൂടി 10 ദിവസമാകുമ്ബോഴാണ് വീണ്ടും കടുവയുടെ ആക്രമണം