കുട്ടികളുടെ രക്ഷിതാക്കളിൽ ചിലർക്കും വൈറസ് ബാധ സ്ഥിരീകരിച്ചിരുന്നു.
രോഗവ്യാപനം തടയുന്നതിനായി സ്‌കൂളിലെ ഒന്നു മുതൽ അഞ്ചാം ക്ലാസ് വരെയുള്ള വിദ്യാർഥികൾക്ക് ഓൺലൈൻ ക്ലാസുകൾ ഏർപ്പെടുത്തിയിട്ടുണ്ട്. ജില്ലാ ആരോഗ്യവകുപ്പ് പ്രതിരോധ പ്രവർത്തനങ്ങൾ ആരംഭിച്ചു.
എന്താണ് നോറോവൈറസ്?
വയറ്റിലെ അസുഖം ഉണ്ടാക്കുന്നതിന് കാരണമാകുന്ന ഒരു കൂട്ടം വൈറസുകളാണ് നോറോ. കടുത്ത ഛർദ്ദി, വയറിളക്കം, വയറുവേദന, പനി, തലവേദന, ശരീരവേദന എന്നിവയാണ് പ്രധാന ലക്ഷണങ്ങൾ. ആരോഗ്യമുള്ള ആളുകളിൽ നോറോവൈറസ് സാധാരണയായി സൗമ്യമാണെങ്കിലും, ചെറിയ കുട്ടികൾ, പ്രായമായവർ, മറ്റ് രോഗങ്ങളുള്ള ആളുകൾ എന്നിവരെ ബാധിക്കുകയാണെങ്കിൽ അത് ഗുരുതരമായിരിക്കും. മലിനജലം, ഭക്ഷണം, രോഗബാധിതരുമായുള്ള സമ്പർക്കം എന്നിവയിലൂടെയാണ് രോഗം പടരുന്നത്.
