പെരിന്തൽമണ്ണ ആനമങ്ങാട് സ്വദേശി മുഹമ്മദ് അദ്നാനെ (31)യാണ് പരപ്പനങ്ങാടി സി.ഐ. കെ.ജെ. ജിനേഷും സംഘവും അറസ്റ്റ് ചെയ്തത്.
ഏഴ് മാസം മുമ്പ് അനഘ എന്ന പെൺകുട്ടിയാണെന്നും അമ്മയ്ക്ക് അസുഖമാണെന്നും വിശ്വസിപ്പിച്ച് അരിയല്ലൂർ സ്വദേശിയായ യുവാവിൽ നിന്ന് ഇയാൾ പലതവണയായി മൂന്ന് ലക്ഷം രൂപ തട്ടിയെടുത്തിരുന്നു. അനഘ എന്ന പെൺകുട്ടിയായും പെൺകുട്ടിയുടെ അടുത്ത സുഹൃത്തായ മുഹമ്മദ് അദ്നാനായും അദ്ദേഹം ഒരേസമയം രണ്ട് വേഷങ്ങൾ ചെയ്തു.
സോഷ്യൽ മീഡിയയിൽ നിന്ന് ഒരു ഫോട്ടോ ഡൗൺലോഡ് ചെയ്ത് പെൺകുട്ടിയുടെ ഫോട്ടോയാണെന്ന് പറഞ്ഞ് വിശ്വസിപ്പിച്ച് ഇയാൾ പരാതിക്കാരന് അയച്ചുകൊടുത്തു.
കബളിപ്പിക്കപ്പെട്ടതായി സംശയം തോന്നിയപ്പോൾ ജില്ലാ പോലീസ് മേധാവി സുജിത്ദാസിന് പരാതി നൽകി. പരപ്പനങ്ങാടി ഇൻസ്പെക്ടർ കെ.ജെ. ജിനേഷിന്റെ നേതൃത്വത്തിൽ സബ് ഇൻസ്പെക്ടർ അജീഷ് കെ.ജോൺ, ജയദേവൻ, സിവിൽ പോലീസ് ഓഫീസർമാരായ മുജീബ്, വിബീഷ്, രഞ്ജിത്ത് എന്നിവർ ചേർന്ന് പ്രതിയെ പിടികൂടി.
