എന്തായാലും പിഎസ്ജി ഇന്ന് ലീഗ് വണ്ണിൽ കളിക്കുകയാണ്. ഇന്ത്യൻ സമയം പുലർച്ചെ 1:30 ന് അവരുടെ ഹോം ഗ്രൗണ്ടായ പാർക്ക് ഡെസ് പ്രിൻസസിൽ ആരംഭിക്കുന്ന മത്സരത്തിൽ പാരീസുകാർ ആങ്കേഴ്‌സിനെ നേരിടും. ഇന്നത്തെ മത്സരത്തിൽ സൂപ്പർ താരം കൈലിയൻ എംബാപ്പെയും അഷ്‌റഫ് ഹക്കിമിയും ഉണ്ടാകില്ല.
ലോകകപ്പ് വിജയത്തിന് ലയണൽ മെസ്സിക്ക് ഇന്ന് പാർക്ക് ഡെസ് പ്രിൻസസിൽ സ്വീകരണം ലഭിക്കുമോ എന്നാണ് എല്ലാവരും ഉറ്റുനോക്കുന്നത്. ഫൈനലിൽ ഫ്രാൻസിനെ തോൽപ്പിച്ചാണ് അർജന്റീന കിരീടം നേടിയത്. ഇതിന് പുറമെ അർജന്റീനിയൻ ഗോൾകീപ്പർ ആമി മാർട്ടിനെസും എംബാപ്പെയെ അധിക്ഷേപിച്ച് വിജയം ആഘോഷിച്ചിരുന്നു. ആരാധകര് ഇതിനോട് പ്രതികരിക്കുമോ എന്ന ഭയം കാരണം ഇന്നത്തെ മത്സരത്തില് മെസിയെ പിഎസ്ജി മാനേജ്മെന്റ് സ്വാഗതം ചെയ്തേക്കില്ല. എന്തായാലും ഇന്ന് ലോകകപ്പിന് ശേഷം താരത്തിന്റെ കളി ആസ്വദിക്കാം.
ഒപ്പം നെയ്മർ ജൂനിയറും ഇറങ്ങുമ്പോൾ പിഎസ്ജി എല്ലാത്തിനും തയ്യാറാണ്. ഈ രണ്ട് സൂപ്പർ താരങ്ങളുടെ അഭാവത്തിൽ ലെൻസിനെതിരായ അവസാന ലീഗ് മത്സരത്തിൽ പിഎസ്ജി പരാജയപ്പെട്ടിരുന്നു
നിലവിൽ 17 മത്സരങ്ങളിൽ നിന്ന് 44 പോയിന്റുമായി ഒന്നാം സ്ഥാനത്താണ് പിഎസ്ജി. ഇന്നത്തെ മത്സരത്തിന്റെ ഫലം എന്തുതന്നെ ആയാലും സ്ഥാനചലനംടീമിനുണ്ടാകില്ലാ. ആങ്കേഴ്‌സിന് ഇത്രയും മത്സരങ്ങളിൽ നിന്ന് വെറും 8 പോയിന്റുമായി ഏറ്റവും താഴെയാണ്. എങ്ങനെയും തരംതാഴ്ത്തൽ മേഖലയിൽ നിന്ന് രക്ഷപ്പെടുകയാണ് ഇവരുടെ ലക്ഷ്യം. എന്തായാലും ഒരു നല്ല മത്സരം പ്രതീക്ഷിക്കാം.
