ആധാർ കാർഡിലെ ചിത്രം കാരണം അത് മറ്റുള്ളവരെ കാണിക്കാൻ പോലും നമ്മൾ മടിക്കുന്നു. എന്നാൽ ഇന്ന് ആധാർ കാർഡ് വളരെ പ്രധാനപ്പെട്ട ഒരു രേഖയാണ്, അത് ഒഴിച്ചുകൂടാനാവാത്തതാണ്.
ബാങ്കിംഗ് പ്രവർത്തനങ്ങൾ മുതൽ ഓൺലൈൻ ഇടപാടുകൾ വരെ ഇന്ന് ഔദ്യോഗിക പ്രവർത്തനങ്ങൾക്കെല്ലാം ആധാർ കാർഡ് നിർബന്ധമാണ്.
ആധാർ കാർഡിൽ കാർഡ് ഉടമയുടെ ഡെമോഗ്രാഫിക്, ബയോമെട്രിക് വിവരങ്ങൾ അടങ്ങിയിരിക്കുന്നു. അതിനാൽ സർക്കാർ ആനുകൂല്യങ്ങൾക്കും മറ്റ് ഔദ്യോഗിക കാര്യങ്ങൾക്കും ആധാർ അനിവാര്യമാണ്.
ആധാർ കാർഡിലെ മോശം ചിത്രത്തെക്കുറിച്ച് ഇനി വിഷമിക്കേണ്ട, നിങ്ങൾക്ക് ഈ ചിത്രം മാറ്റാം. ആധാർ കാർഡ് ഉടമകൾക്ക് അവരുടെ അടുത്തുള്ള ആധാർ എന്റോള്‍മെന്റ് കേന്ദ്രം സന്ദർശിച്ച് ആധാർ കാർഡ് ഫോട്ടോ അപ്ഡേറ്റ് സേവനം ലഭ്യമാക്കാനുള്ള അവസരം UIDAI ഒരുക്കിയിട്ടുണ്ട്. അതിനായി, ആധാർ എന്റോള്‍മെന്റ് ഫോം ഡൗൺലോഡ് ചെയ്ത് അടുത്തുള്ള ആധാർ എന്റോള്‍മെന്റ് കേന്ദ്രത്തിൽ സമർപ്പിക്കുക.
ആധാര്‍ കാര്‍ഡ് ഫോട്ടോ മാറ്റുന്നതിനും അപ്ഡേറ്റ് ചെയ്യുന്നതിനുമുള്ള ഘട്ടങ്ങള്‍
1: UIDAI-യുടെ ഔദ്യോഗിക വെബ്‌സൈറ്റ് uidai.gov.in സന്ദര്‍ശിക്കുക.
2: 'ആധാര്‍ അപ്ഡേറ്റ് ചെയ്യുക' എന്ന ഓപ്ഷനില്‍ ക്ലിക്ക് ചെയ്യുക.
3: ആധാര്‍ എന്റോള്‍മെന്റ് ഫോം ഡൗണ്‍ലോഡ് ചെയ്ത് ആവശ്യമായ വിശദാംശങ്ങള്‍ പൂരിപ്പിക്കുക.
4: അടുത്തുള്ള ആധാര്‍ എന്റോള്‍മെന്റ് സെന്ററില്‍ ഫോം സമര്‍പ്പിക്കുക.
5: ആധാര്‍ എക്‌സിക്യൂട്ടീവ് എല്ലാ വിശദാംശങ്ങളും ബയോമെട്രിക് പരിശോധനയിലൂടെ പരിശോധിക്കും.
6: ആധാര്‍ എക്‌സിക്യൂട്ടീവ് പുതിയ ചിത്രം എന്നതില്‍ ക്ലിക്ക് ചെയ്ത് പുതിയ ചിത്രം ആധാര്‍ നമ്പറില്‍ഉള്‍പ്പെടുത്തുകയും ചെയ്യും
7: 100 രൂപയും ജിഎസ്ടിയും ഫീസ് അടയ്ക്കേണ്ടി വരും
8: ആധാര്‍ എക്‌സിക്യൂട്ടീവ് നിങ്ങള്‍ക്ക് ഒരു അംഗീകാര സ്ലിപ്പും അപ്ഡേറ്റ് അഭ്യര്‍ത്ഥന നമ്പറും (യുആര്‍എന്‍) നല്‍കും.
9: 90 ദിവസത്തിനുള്ളില്‍ വിശദാംശങ്ങള്‍ അപ്ഡേറ്റ് ചെയ്യും.
യുഐഡിഎഐയുടെ ഔദ്യോഗിക വെബ്‌സൈറ്റില്‍ യുആര്‍എന്‍ നമ്പര്‍ ഉപയോഗിച്ച് നിങ്ങളുടെ ഏറ്റവും പുതിയ ആധാര്‍ കാര്‍ഡിന്റെ സ്റ്റാറ്റസ് ട്രാക്ക് ചെയ്യാനും കഴിയും.ആധാര്‍ പോര്‍ട്ടലില്‍ വിശദാംശങ്ങള്‍ അപ്ഡേറ്റ് ചെയ്യാന്‍ 90 ദിവസമെടുക്കും.അപ്ഡേറ്റ് ചെയ്തുകഴിഞ്ഞാല്‍, ഉപയോക്താവിന് പോര്‍ട്ടലില്‍ നിന്ന് പുതിയ കോപ്പി ഡൗണ്‍ലോഡ് ചെയ്യാനും ഭാവിയിലെ ഉപയോഗത്തിനായി അതിന്റെ പ്രിന്റ് ഔട്ട് എടുക്കാനും കഴിയും.
ശ്രദ്ധിക്കുക: ആധാര്‍ കാര്‍ഡിലെ ഫോട്ടോ ഓണ്‍ലൈനില്‍ അപ്ഡേറ്റ് ചെയ്യാന്‍ കഴിയില്ല.
