അത്തരം രോഗികളിൽ 59 ശതമാനം പേർക്കും അവയവങ്ങൾക്ക് തകരാറുണ്ടെന്ന് ശാസ്ത്രജ്ഞർ കണ്ടെത്തി. ദീർഘകാല കോവിഡ് -19 ബാധിച്ച 29 ശതമാനം രോഗികൾക്കും ഒന്നിലധികം അവയവങ്ങളെ രോഗം ബാധിച്ചതായും പഠനത്തിലെ കണ്ടെത്തലുകള്‍ സൂചിപ്പിക്കുന്നു.
കൊവിഡ് ബാധിച്ച് ആറ് മുതൽ പന്ത്രണ്ട് മാസത്തിനുള്ളിൽ പല അവയവങ്ങളുടെയും പ്രവർത്തനം കുറയുന്നതായും പഠനം കണ്ടെത്തി.
12 മാസത്തിലധികം നീണ്ടുനിൽക്കുന്ന കോവിഡ് -19 രോഗികളിൽ അവയവങ്ങളുടെ പ്രവർത്തന വൈകല്യത്തെക്കുറിച്ച് പഠിച്ചു.
ഇവരിൽ കടുത്ത ശ്വാസതടസ്സം, ബുദ്ധി വൈകല്യങ്ങൾ എന്നിവയും റിപ്പോർട്ട് ചെയ്യപ്പെട്ടിട്ടുണ്ടെന്ന് റിപ്പോർട്ടിൽ പറയുന്നു. 536 രോഗികളിലാണ് പഠനം നടത്തിയത്. ഇവരിൽ 13 ശതമാനം പേർ കോവിഡ് -19 ന് ആശുപത്രിയിൽ ചികിത്സ തേടി. പഠനത്തിൽ പങ്കെടുത്തവരിൽ 32 ശതമാനം പേരും ആരോഗ്യ പ്രവർത്തകരായിരുന്നു.
536 രോഗികളിൽ 331 പേർക്ക് പ്രാഥമിക രോഗനിർണയം നടത്തി ആറ് മാസത്തിന് ശേഷം അവയവങ്ങൾക്ക് തകരാറുണ്ടെന്ന് കണ്ടെത്തി. റോയൽ സൊസൈറ്റി ഓഫ് മെഡിസിൻ ജേണലിലാണ് പഠനം പ്രസിദ്ധീകരിച്ചത്.
ആറുമാസത്തിനുശേഷം ഈ രോഗികളിൽ ഒരു തുടർപഠനവും നടത്തി. അവയവങ്ങളുടെ അവസ്ഥ കൂടുതൽ വിശകലനം ചെയ്യാൻ എംആർഐ സ്കാൻ നടത്തി.
"ഞങ്ങളുടെ പഠനത്തിൽ പങ്കെടുത്ത പല ആരോഗ്യ പ്രവർത്തകർക്കും മുൻകാല രോഗങ്ങളൊന്നും ഉണ്ടായിരുന്നില്ല. എന്നാൽ പങ്കെടുത്ത 172 പേരിൽ 19 പേർക്കും ശരാശരി 180 ദിവസങ്ങൾക്കുള്ളിൽ രോഗലക്ഷണങ്ങൾ വികസിച്ചു," UCL ഇന്‍സ്റ്റിറ്റ്യൂട്ട് ഓഫ് ഹെല്‍ത്ത് ഇന്‍ഫോര്‍മാറ്റിക്‌സിലെ ക്ലിനിക്കല്‍ ഡാറ്റാ സയന്‍സ് പ്രൊഫസറും പഠനം നടത്തിയ അംഗങ്ങളില്‍ ഒരാളുമായ അമിതാവ ബാനര്‍ജി പറഞ്ഞു.
”ദീര്‍ഘകാലത്തേക്ക് നീണ്ടു നില്‍ക്കുന്ന കോവിഡ് ബാധിച്ച അഞ്ചില്‍ മൂന്ന് പേര്‍ക്കും കുറഞ്ഞത് ഒരു അവയവത്തിനെങ്കിലും വൈകല്യമുണ്ടെന്നും നാലില്‍ ഒരാള്‍ക്ക് രണ്ടോ അതിലധികമോ അവയവങ്ങള്‍ക്ക് വൈകല്യമുണ്ടെന്നും ചിലയാളുകള്‍ക്ക് ഇത്തരം രോഗലക്ഷണങ്ങളില്ലെന്നും ഞങ്ങള്‍ കണ്ടെത്തി” ബാനർജി കൂട്ടിച്ചേർത്തു.
കോവിഡ്-19 വാക്സിൻ ഒന്നിലധികം പാർശ്വഫലങ്ങൾ ഉള്ളതായി അടുത്തിടെ ഒരു വിവരാവകാശ അപേക്ഷയ്ക്ക് മറുപടിയായി അറിയിച്ചിരുന്നു. ശ്വാസതടസ്സം, നെഞ്ചുവേദന, കൈകാലുകളിൽ വേദന അല്ലെങ്കിൽ നീർവീക്കം, കണ്ണുകളിൽ വേദന, കാഴ്ച മങ്ങൽ, മാനസികാവസ്ഥയിൽ മാറ്റം, തലച്ചോറിന്റെ വീക്കം എന്നിവയും പാർശ്വഫലങ്ങളായി ചൂണ്ടിക്കാണിക്കുന്നു. പൂനെ ആസ്ഥാനമായുള്ള വ്യവസായി പ്രഫുൽ സർദയുടെ വിവരാവകാശ മറുപടിയിലാണ് ഞെട്ടിക്കുന്ന വെളിപ്പെടുത്തലുകൾ ഉള്ളത്.
ഇന്ത്യൻ കൗൺസിൽ ഓഫ് മെഡിക്കൽ റിസർച്ചും സെൻട്രൽ ഡ്രഗ്‌സ് സ്റ്റാൻഡേർഡ് കൺട്രോൾ ഓർഗനൈസേഷനും പ്രതികരിച്ചത് കഴിഞ്ഞ രണ്ട് വർഷത്തിനിടെ ഒരു ബില്യണിലധികം ഇന്ത്യക്കാരിലേക്ക് കുത്തിവച്ച കോവിഡ് -19 വാക്സിനുകൾക്ക് 'ഒന്നിലധികം പാർശ്വഫലങ്ങൾ' ഉണ്ടാകുമെന്നാണ്.
