കഴിഞ്ഞ ദിവസം നടന്ന അത്തരത്തിലുള്ള ഹൃദയസ്പർശിയായ ഒരു വീഡിയോയാണ് ഇപ്പോൾ ഇൻസ്റ്റഗ്രാമിൽ വൈറലാകുന്നത്. പ്രായമായിട്ടും കരുതലിനും സ്നേഹത്തിനും ഒരു കുറവുമില്ലെന്ന് ഒരു വൃദ്ധ ദമ്പതികൾ ചൂണ്ടിക്കാട്ടുന്നു. ഒരു ചടങ്ങിനിടെ ഒരു വിരുന്നു നടക്കുന്നു. പ്രായമായ സ്ത്രീ ഭക്ഷണമെടുത്ത് തന്റെ പങ്കാളിയുടെ വായില്‍ വച്ച് കൊടുക്കുകയാണ്. അദ്ദേഹത്തിന് സ്വയം ഭക്ഷണം കഴിക്കാന്‍ കഴിയില്ലെന്ന് വീഡിയോയില്‍ നിന്ന് വ്യക്തമാണ്.
രണ്ടും പേരും ഒരു ഇലയിൽ നിന്നാണ് കഴിക്കുന്നത്. ഈ വീഡിയോ സെക്കന്റുകൾ മാത്രം ദൈർഘ്യമുള്ളതാണ്. എന്നാൽ, രണ്ടാഴ്ചയ്ക്കുള്ളിൽ ലക്ഷക്കണക്കിന് ആളുകളാണ് വീഡിയോ കണ്ടത്.
പലരും പ്രായമായ മാതാപിതാക്കളെ വീട്ടിൽ ഇരുത്തി ആഘോഷങ്ങളിൽ പങ്കുചേരുന്നു. എന്നാൽ ഇത് നല്ല മാതൃകയാണെന്ന് പല കമന്റുകളും പറയുന്നു. വാര്‍ധ്യകാലത്ത് അസുഖങ്ങള്‍ വന്ന് അവശനിലയില്‍ ആകുമ്പോള്‍ ഇതുപോലെ കരുതലുള്ള ഒരാള്‍ കൂടെ ഉണ്ടെങ്കില്‍ പേടിക്കാനൊന്നുമില്ലെന്ന് കാട്ടിത്തരുകയാണ് ഈ ദമ്പതികള്‍.
