ഫോണിന്റെ ബാറ്ററിയാണ് പൊട്ടിത്തെറിച്ചത്. ഫോൺ ചാർജ് ചെയ്യുന്നതിനിടെ വിളിച്ചതാണ് അപകട കാരണമെന്ന് കരുതുന്നു. തിങ്കളാഴ്ചയുണ്ടായ അപകടത്തിൽ ദയാറാം ബറോഡ് മരിച്ചു. ശരീരഭാഗങ്ങളിൽ ഗുരുതരമായി പരിക്കേറ്റതിനെ തുടർന്നായിരുന്നു മരണം.തലയുടെ ഒരു ഭാഗം ചിതറിയ നിലയിലായിരുന്നു.
ഏറെ നേരം വിളിച്ചിട്ടും പ്രതികരണം ലഭിക്കാതെ വന്നതിനെ തുടർന്ന് അന്വേഷിക്കാനെത്തിയ സുഹൃത്താണ് ദയാറാമിനെ മരിച്ച നിലയിൽ കണ്ടെത്തിയത്. തല ചിതറിയ നിലയിലാണ് സുഹൃത്ത് കണ്ടതെന്ന് പോലീസ് പറഞ്ഞു. മൃതദേഹത്തിന് സമീപത്ത് നിന്ന് മൊബൈൽ ഫോണിന്റെ അവശിഷ്ടങ്ങളും കണ്ടെത്തി. സംഭവത്തിൽ ദുരൂഹതയുള്ളതിനാൽ പോലീസ് വീട്ടിൽ പരിശോധന നടത്തിയെങ്കിലും മറ്റ് സ്‌ഫോടക വസ്തുക്കളൊന്നും കണ്ടെത്താനായില്ല.
മൊബൈല്‍ ഫോണ്‍ ബാറ്ററി പൊട്ടിത്തെറിച്ചുണ്ടായ അപകടത്തില്‍ ഫോറന്‍സിക് വിദഗ്ദ്ധര്‍ ഉള്‍പ്പടെയെത്തി പരിശോധന നടത്തി. കൊല്ലപ്പെട്ടയാളുടെ വീടിനു സമീപത്തുകൂടി ഹൈടെന്‍ഷന്‍ വൈദ്യുതി ലൈനും കടന്നുപോകുന്നുണ്ട്. അപകടത്തിന് ഇതുമായി ബന്ധമുണ്ടോയെന്ന് സംശയം ഉയർന്നിട്ടുണ്ട്. പോസ്റ്റ്‌മോർട്ടത്തിന് ശേഷം മൃതദേഹം വീട്ടുകാർക്ക് വിട്ടുകൊടുത്തു.
