കേരള ബ്ലാസ്റ്റേഴ്‌സിന്റെ താരങ്ങൾ പ്രതിരോധ നിര കെട്ടിപ്പടുക്കുന്നതിനിടെ അതിവേഗ ഫ്രീകിക്കിലൂടെ സുനിൽ ഛേത്രി ബെംഗളൂരുവിന്റെ ലീഡ് നേടി. ബ്ലാസ്റ്റേഴ്‌സും കോച്ച് ഇവാൻ വുകോമാനോവിച്ചും ഇത് ഗോളല്ലെന്ന് വാദിച്ചെങ്കിലും ഫലമുണ്ടായില്ല. ഇതിനുശേഷം ഇവാനും സംഘവും തന്റെ കളിക്കാരെ തിരികെ വിളിച്ച് മത്സരം പൂർത്തിയാകുന്നതിന് മുമ്പ് മൈതാനം വിട്ടു. ഇന്നലത്തെ വിവാദ ഗോളോടെ സുനിൽ ഛേത്രി പൂജ്യമായി എന്ന് ഒരു വിഭാഗം വാദിച്ചപ്പോൾ ഇന്ത്യൻ ഫുട്ബോളിലെ ഹീറോ സുനിൽ ഛേത്രിയുടെ പ്രതികരണം എന്താണെന്ന് നോക്കാം.
എനിക്ക് ഫ്രീ കിക്ക് ലഭിച്ചു, ഓപ്പണിംഗ് കണ്ടു, അതിലൂടെ ഗോളടിച്ചു.കിക്കെടുക്കാന്‍ വിസിലോ പ്രതിരോധ കോട്ടയോ ആവശ്യമില്ലെന്ന് റഫറി ക്രിസ്റ്റല്‍ ജോൺ പറഞ്ഞു. ഉറപ്പാണോ എന്ന് ചോദിച്ചു. ഇത് അഡ്രിയാന്‍ ലൂണ കേട്ടതാണ്. അതുകൊണ്ടാണ് അദേഹം ആദ്യം ബ്ലോക്ക് ചെയ്യാന്‍ ശ്രമിച്ചത്. മത്സരം പൂർത്തിയാക്കാതെ കളം വിട്ടത് മോശമാണെന്ന് മത്സരശേഷം സുനിൽ ഛേത്രി പറഞ്ഞു. വിവാദ ഗോളിലൂടെ ബംഗളൂരു എഫ്‌സിയെ സെമിയിലെത്തിച്ച സുനിൽ ഛേത്രിയെ ഹീറോ ഓഫ് ദ മാച്ചായി തിരഞ്ഞെടുത്തു.
"I got the free-kick and I saw the opening"@bengalurufc's match-winner @chetrisunil11 on his side's victory in #Bengaluru#BFCKBFC #HeroISL #HeroISLPlayoffs #LetsFootball #BengaluruFC #KeralaBlasters pic.twitter.com/HkKkLCBMqE
— Indian Super League (@IndSuperLeague) March 3, 2023
