ബുധനാഴ്ച ചേര്ന്ന മന്ത്രിസഭായോഗത്തിന്റേതാണ് തീരുമാനം.
ആരോഗ്യവകുപ്പിന്റെ കീഴില് നടത്തിയ രണ്ട് അന്വേഷണങ്ങളിലും ശസ്ത്രക്രിയ ഉപകരണം ഏതവസരത്തിലാണ് വയറ്റില് കുടുങ്ങിയതെന്ന് കണ്ടെത്താന് കഴിയാത്ത സാഹചര്യത്തില് ആഭ്യന്തര വകുപ്പ് അന്വേഷണം നടത്താനും മന്ത്രിസഭായോഗത്തില് തീരുമാനമായി.
സംഭവത്തില് ആരോഗ്യമന്ത്രി വീണാ ജോര്ജ് നേരിട്ട് നല്കിയ ഉറപ്പ് പാലിക്കാത്തതില് പ്രതിഷേധിച്ച് സെക്രട്ടറിയേറ്റിന് മുന്നില് സമരം ആരംഭിക്കാനൊരുങ്ങുകയാണ് ഹര്ഷിന. ആരോഗ്യമന്ത്രി ഹര്ഷിനയെ നേരിട്ട് കാണുകയും രണ്ടാഴ്ചക്കകം പ്രശ്നത്തിന് പരിഹാരം ഉണ്ടാകുമെന്ന് ഉറപ്പ് നല്കുകയും ചെയ്തിരുന്നു.
എന്നാല്, മൂന്നാഴ്ച കഴിഞ്ഞിട്ടും നടപടി ഇല്ലെന്നായപ്പോള് ഹര്ഷിന ആരോഗ്യമന്ത്രിയെ ബന്ധപ്പെടാന് ശ്രമിച്ചെങ്കിലും മറുപടി ഒന്നും ലഭിച്ചില്ല. ഇതോടെയാണ് സമരവുമായി വീണ്ടും മുന്നോട്ടുപോകാനുള്ള ഹര്ഷിനയുടെ തീരുമാനം.
ജെ.എല്.എന് സ്റ്റേഡിയം മുതല് കാക്കനാട് വഴി ഇന്ഫോപാര്ക്ക് വരെ 11.2 കി.മീ ദൈര്ഘ്യത്തില് കൊച്ചി മെട്രോ റെയില് പദ്ധതിയുടെ രണ്ടാം ഘട്ടത്തിന് 1571.05 കോടി രൂപയുടെ സംസ്ഥാന വിഹിതം കൂടി ഉള്പ്പെടുത്തി 1957.05 കോടി രൂപയുടെ പുതുക്കിയ ഭരണാനുമതി നല്കാനും തീരുമാനിച്ചു.
