ലഖ്നൗ: സാക്ഷാല്‍ എം എസ് ധോണിയെ പോലും അമ്പരിപ്പിച്ച് മോയിൻ അലിയുടെ വണ്ടര്‍ ക്യാച്ച്.
ലഖ്നൗ സൂപ്പര്‍ ജയന്‍റ്സിന് എതിരായ മത്സരത്തില്‍ കരണ്‍ ശര്‍മ്മ സ്വന്തം ബൗളിംഗില്‍ കുടുക്കിയാണ് അലി അത്ഭുതപ്പെടുത്തിയത്. കരണിന്‍റെ പവര്‍ ഷോട്ട് നേര്‍ക്ക് വരുന്നത് കണ്ട് അമ്പയര്‍ പെട്ടെന്ന് മാറിയെങ്കിലും അലി ഒട്ടും ഭയന്നില്ല. അത്ഭുതകരമായി അത് കൈപ്പിടിയില്‍ ഒതുക്കുകയും ചെയ്തു ക്യാച്ച് കണ്ടിട്ടുള്ള എം എസ് ധോണിയുടെ മുഖഭാവമാണ് സാമൂഹ്യ മാധ്യമങ്ങളില്‍ വൈറല്‍ ആയിരിക്കുന്നത്.
അതേസമയം, ടോസ് നഷ്‌ടപ്പെട്ട് സ്വന്തം മൈതാനത്ത് ആദ്യം ബാറ്റിംഗിനിറങ്ങിയ ലക്‌നൗ 19.2 ഓവറില്‍ 7 വിക്കറ്റിന് 125 റണ്‍സെടുത്ത് നില്‍ക്കേ മഴയെത്തുകയായിരുന്നു. നേരത്തെ മഴ കാരണം വൈകിയാണ് മത്സരം തുടങ്ങിയതും. 14 ഓവറില്‍ 64 റണ്‍സ് മാത്രമുണ്ടായിരുന്ന ലഖ്‌നൗവിനെ ആയുഷ് ബദോനിയുടെ വെടിക്കെട്ട് ഫിഫ്റ്റിയാണ് കരകയറ്റിയത്. ബദോണി 33 പന്തില്‍ 59* റണ്‍സുമായി ക്രീസില്‍ നില്‍ക്കുകയായിരുന്നു
ചെന്നൈയുടെ സ്‌പിന്നര്‍മാരുടെ മികച്ച ബൗളിംഗിൽ വന്‍ തകര്‍ച്ചയോടെയായിരുന്നു ക്രുനാല്‍ പാണ്ഡ്യയുടെ നേതൃത്വത്തിലിറങ്ങിയ ലഖ്നൗ സൂപ്പര്‍ ജയന്‍റ്‌സിന്‍റെ ബാറ്റിംഗ് തുടക്കം. 6.5 ഓവറില്‍ 34 റണ്‍സ് സ്‌കോര്‍ ബോര്‍ഡില്‍ ചേര്‍ന്നപ്പോഴേക്കും നാല് വിക്കറ്റ് നഷ്‌ടമായ അവസ്ഥയിലായിരുന്നു. മൊയീന്‍ അലി ഇന്നിംഗ്‌സിലെ നാലാം ഓവറിലെ നാലാം പന്തില്‍ ഓപ്പണര്‍ കെയ്‌ല്‍ മെയേഴ്‌സിനെ(17 പന്തില്‍ 14) റുതുരാജ് ഗെയ്‌ക്‌വാദിന്‍റെ കൈകളില്‍ എത്തിച്ചാണ് വിക്കറ്റ് വീഴ്‌ചയ്‌ക്ക് തുടക്കമിട്ടത്.
You know it's a stunning grab when even Dhoni goes 😯
Rate this Moeen Ali catch 👇#LSGvCSK #TATAIPL #IPLonJioCinema pic.twitter.com/4iUBlBehZi
