വാഹനം ഉപയോഗിച്ച്‌ അവിശ്വസനീയമാംവിധം വിഡ്ഢിത്തം നിറഞ്ഞ പ്രവൃത്തികള്‍ നമ്മള്‍ അനുദിനം കാണുന്നുണ്ട്, അതിന്റെ ഏറ്റവും പുതിയ ഉദാഹരണമാണിത്.
ഓടിക്കൊണ്ടിരിക്കുന്ന മാരുതി ആള്‍ട്ടോയുടെ മേല്‍ക്കൂരയില്‍ കസേരയില്‍ ഇരിക്കുന്ന യുവാവിന്‍റെ വിചിത്രമായ വീഡിയോ ദൃശ്യങ്ങളാണ് സോഷ്യല്‍ മീഡിയയിലും യൂട്യൂബിലും വൈറലാകുന്നത്.
പ്രതീക് സിംഗ് എന്നയാളാണ് ഈ വീഡിയോ യൂട്യൂബില്‍ അപ്ലോഡ് ചെയ്‍തിരിക്കുന്നത്. ഒരു മനുഷ്യൻ ഓടിക്കൊണ്ടിരിക്കുന്ന ആള്‍ട്ടോയുടെ മേല്‍ക്കൂരയില്‍ ഇരിക്കുന്ന ഒരു വീഡിയോ ആണിത്. വൃത്താകൃതിയില്‍ തനിയെ നീങ്ങുന്ന കാറിന് മുകളില്‍ ഒരു കസേര ഇട്ടു സുഖമായി ഇരിക്കുന്ന യുവാവിന്‍റെ ദൃശ്യങ്ങളാണ് വീഡിയോയില്‍. അതിലും മോശം കാര്യം ആരും വണ്ടി ഓടിക്കുന്നില്ല അത് തനിയെ ഓടുന്നു എന്നതാണ്. വാതിലുകള്‍ തുറന്നിരിക്കുന്ന വാഹനത്തിന്‍റെ ആക്സിലറേറ്റര്‍ ഭാഗികമായി അമര്‍ത്തിവച്ചിരിക്കുകയും സ്റ്റിയറിംഗ് ഒരു ദിശയില്‍ ഉറപ്പിക്കുകയും ചെയ്യുന്ന ഒരു മെക്കാനിസം കാറില്‍ ഉണ്ടെന്ന് കരുതാം. എങ്കിലും വളരെപ്പെട്ടെന്നാണ് അപകടം സംഭവിക്കുന്നത്.
പെട്ടെന്ന്, കസേര മറിയുകയും അയാള്‍ കാറിന് മുകളില്‍ നിന്നും താഴേക്ക് വീഴുകയും ചെയ്യുന്നു. ചലിക്കുന്ന ടയറിനോട് വളരെ അടുത്താണ് വീണത്. എങ്കിലും ഭാഗ്യംകൊണ്ടുമാത്രം ടയറുകള്‍ കയറിയിറങ്ങാത തലനാരിഴയ്ക്ക അയാള്‍ രക്ഷപ്പെടുന്നു. ഇക്കാലത്ത് ഇന്റര്‍നെറ്റില്‍ സര്‍വസാധാരണമായ ഇത്തരം ബുദ്ധിശൂന്യമായ പ്രവൃത്തികള്‍ അനുകരിക്കാൻ ആഗ്രഹിക്കുന്ന ഏതൊരാള്‍ക്കും ഇതൊരു വ്യക്തമായ മുന്നറിയിപ്പകും എന്ന് ഉറപ്പാണ്.
റോഡ് സുരക്ഷയെ നമ്മള്‍ ഗൗരവമായി എടുക്കാൻ തുടങ്ങേണ്ട സമയം അതിക്രമിച്ചിരിക്കുന്നു. ഓരോ വര്‍ഷവും റോഡുകളില്‍ ആയിരക്കണക്കിന് സംഭവങ്ങള്‍ ഉണ്ടാകാറുണ്ട്. ഇന്റര്‍നെറ്റില്‍ ആളുകളുടെ ഇത്തരം വിചിത്രമായ സ്റ്റണ്ടുകള്‍ക്ക് ഒരു കുറവുമില്ല. വാസ്‌തവത്തില്‍, കാഴ്ചക്കാരുടെ ശ്രദ്ധ നേടാനും പുതിയ അനുയായികളെ സൃഷ്‍ടിക്കാനും വേണ്ടിയാണ് അത്തരത്തിലുള്ള അപകടകരമായ വീഡിയോകള്‍ പലരും ചെയ്യുന്നത്. അങ്ങനെ ചെയ്യുന്നതിലൂടെ, അവര്‍ തങ്ങളുടെ ജീവൻ അപകടത്തിലാക്കുകയും പൊതുസമൂഹത്തെ ദ്രോഹിക്കുകയുമാണ് ചെയ്യുന്നതെന്ന് ഉറപ്പ്.
