ആർപ്പൂക്കര വില്ലൂന്നിയില് ബൈക്ക് നിയന്ത്രണംവിട്ട് വൈദ്യുതി തൂണില് ഇടിച്ച് യുവതിയ്ക്ക് ദാരുണാന്ത്യം.
വില്ലുന്നി സ്വദേശി നിത്യ (20) ആണ് മരിച്ചത്. കഴിഞ്ഞ ദിവസം രാത്രി ഏഴ് മണിയോടെയായിരുന്ന സംഭവം. ജിമ്മില് നിന്നും ബൈക്ക് ഓടിച്ച് വീട്ടിലേയ്ക്ക് മടങ്ങുന്നതിനിടെയായിരുന്നു അപകടം.
നിയന്ത്രണംവിട്ട ബുള്ളറ്റ് ആദ്യം വൈദ്യുതി തൂണില് ഇടിക്കുകയും ക്രാഷ് ബാരിയറില് നിത്യയുടെ തല ഇടിക്കുകയുമായിരുന്നു. ഇടിയുടെ ആഘാതത്തില് റോഡില് വീണ ഇവരെ നാട്ടുകാർ ചേർന്ന് കോട്ടയം മെഡിക്കല് കോളേജ് ആശുപത്രിയില് എത്തിച്ചെങ്കിലും രാത്രി 10 മണിയോടെ മരണം സംഭവിച്ചു. സംഭവത്തില് ഗാന്ധിനഗർ പോലീസ് കേസെടുത്തു.
