പുതിയ ചിത്രത്തിന്റെ പ്രൊമോഷൻ പരിപാടിക്കത്തിയ നടൻ വിശാലിന്റെ വീഡിയോ സോഷ്യല് മീഡിയയില് വൈറലാകുന്നു. താരത്തെ പരിപാടിയില് വലിയ അവശനായാണ് കാണുന്നതെന്നാണ് ആരാധകർ പറയുന്നത്.
കൈകള് വിറയ്ക്കുന്ന വിശാലിന് നടക്കാനും ഇരിക്കാനുമൊക്കെ ബുദ്ധിമുട്ട് അനുഭവപ്പെടുന്ന വീഡിയോയാണ് ആരാധകർ ചൂണ്ടിക്കാട്ടുന്നത്. താരത്തിന് അസുഖമെന്തെങ്കിലുമുണ്ടോ എന്നാണ് ആരാധകരുടെ സംശയം.
പതിറ്റാണ്ട് മുൻപ് ഷൂട്ടിംഗ് പൂർത്തിയായ മദഗജരാജ എന്ന ചിത്രത്തിന്റെ റീലിസാണ് ഈ വർഷം നടക്കുന്നത്. സുന്ദർ സിയാണ് സംവിധാനം നിർവഹിച്ചത്. സംഗീതസംവിധായകനും നടനുമായ വിജയ് ആൻ്റണിയും ചടങ്ങിനെത്തിയിരുന്നു. ദിവ്യ ദർശിനിയാണ് അവതാരകയായത്.
താരത്തിന് പനിയാണെന്ന് ചില ആരാധകർ പറയുന്നുണ്ട്. മുണ്ടും ഷർട്ടുമായിരുന്നു വിശാലിന്റെ വേഷം. വിശാല് എത്രയും പെട്ടെന്ന് സുഖംപ്രാപിക്കട്ടെയെന്ന് ആരാധകർ പറഞ്ഞു.അഞ്ജലി, വരലക്ഷ്മി ശരത്കുമാർ, സതീഷ്, സോനു സൂദ്, അന്തരിച്ച മനോബാല എന്നിവരാണ് മദഗജരാജയിലെ മറ്റു കഥാപാത്രങ്ങളെ അവതരിപ്പിച്ചത്.
Get well soon Vishal! 🙏 pic.twitter.com/HBFka4r0Pl
