ദിവസവും ഒരു ക്യാരറ്റ് കഴിക്കുന്നത് നിരവധി ഗുണങ്ങള്‍ നല്‍കുന്നു. വിറ്റാമിന്‍ എ ധാരാളമുള്ള ക്യാരറ്റ് കാഴ്ചശക്തിക്ക് വളരെ ഗുണം ചെയ്യുന്ന ഭക്ഷണമാണ്.
ബീറ്റാ കരോട്ടിന്‍, ല്യൂട്ടിന്‍ തുടങ്ങിയവയും കണ്ണിന്റെ ആരോഗ്യത്തിന് നല്ലതാണ്. അതിനാല്‍ ക്യാരറ്റ് പതിവായി കഴിക്കുന്നത് കാഴ്ച ശക്തി വര്‍ധിപ്പിക്കും. കാരറ്റില്‍ പല തരത്തിലുള്ള പോഷകങ്ങള്‍ അടങ്ങിയിട്ടുണ്ട്. ബീറ്റാ കരോട്ടിൻ, വിറ്റാമിൻ എ, വിറ്റാമിൻ ഇ, വിറ്റാമിൻ സി, വിറ്റാമിൻ ബി 8, വിറ്റാമിൻ കെ, ഫൈബർ, ഇരുമ്ബ്, കാല്‍സ്യം, ഫോസ്ഫറസ്, പൊട്ടാസ്യം എന്നിവയും കാരറ്റില്‍ ധാരാളമായി അടങ്ങിയിട്ടുണ്ട്.
ക്യാരറ്റില്‍ ഉയർന്ന അളവില്‍ വിറ്റാമിൻ സി അടങ്ങിയിട്ടുണ്ട്. ഇത് ചർമ്മത്തിന്റെ ആരോഗ്യം മെച്ചപ്പെടുത്താൻ സഹായിക്കുന്നു. വളരെ ചെറുപ്പത്തില്‍ തന്നെ ചർമ്മത്തില്‍ ചുളിവുകള്‍ കാണപ്പെടുന്നത് ഇല്ലാതാക്കാൻ ഇത് ഏറെ സഹായിക്കും.
കരളിനെ സംരക്ഷിക്കാൻ സഹായിക്കുകയും ചെയ്യുന്ന ആൻ്റിഓക്‌സിഡൻ്റുകള്‍ ക്യാരറ്റിലുണ്ട്. ഒരു പഠനമനുസരിച്ച്‌, ക്യാരറ്റില്‍ നിന്നുള്ള ബീറ്റാ കരോട്ടിൻ കരളിലെ ആൻ്റിഓക്‌സിഡൻ്റുകളുടെ അളവ് വർദ്ധിപ്പിച്ചതായി കണ്ടെത്തി.ക്യാരറ്റ് ശരീരഭാരം കുറയ്ക്കാൻ സഹായിക്കുന്നു. കാരണം അവയില്‍ കലോറി കുറവാണ്, ഉയർന്ന നാരുകള്‍ അടങ്ങിയിട്ടുണ്ട്. ഇതിലെ ഫൈബറും വിവിധ അവശ്യ മൈക്രോ ന്യൂട്രിയൻ്റുകളും ശരീരഭാരം കുറയ്ക്കാൻ നല്ലതാണ്.
കാരറ്റിലെ ബീറ്റാ കരോട്ടിൻ കരളില്‍ വിറ്റാമിൻ എ ആയി പരിവർത്തനം ചെയ്യപ്പെടുന്നു. ബീറ്റാ കരോട്ടിൻ മാക്യുലർ ഡീജനറേഷൻ, വാർദ്ധക്യ തിമിരം എന്നിവയില്‍ നിന്ന് സംരക്ഷിക്കും. ക്യാരറ്റ് ദൈനംദിന ഭക്ഷണത്തില്‍ ഉള്‍പ്പെടുത്തുന്നതിലൂടെ പല തരത്തിലുള്ള ഹൃദയ സംബന്ധമായ പ്രശ്നങ്ങള്‍ ഇല്ലാതാക്കാം. ദിവസവും ഒരു ഗ്ലാസ് കാരറ്റ് ജ്യൂസ് കഴിക്കുന്നത് നല്ലതാണ്. ഇത് ഹൃദയമിടിപ്പും രക്തസമ്മർദ്ദവും നിയന്ത്രിക്കാൻ സഹായിക്കുന്നു.പ്രമേഹത്തിനുള്ള അപകടസാധ്യത കുറയ്ക്കാൻ കാരറ്റ് സഹായിക്കുമെന്ന് ഗവേഷണങ്ങള്‍ പറയുന്നു. (ഹൃദ്രോഗത്തിനുള്ള അപകട ഘടകം) കൊളസ്ട്രോളിൻ്റെ അളവ് കുറയ്ക്കാൻ സഹായിക്കുന്ന ലയിക്കുന്ന നാരുകള്‍ അടങ്ങിയിട്ടുണ്ട്.
