ആരാധകർക്ക് ക്രിസ്മസ് സർപ്രൈസുമായി എത്തിയിരിക്കുകയാണ് നടൻ വിജയ് ദേവരകൊണ്ട. 100 ആരാധകർക്ക് സ്വന്തം ചെലവിൽ ഹോളിഡേ ട്രിപ്പ് സമ്മാനിക്കുകയാണ് താരം. യാത്രയുടെ മുഴുവൻ ചെലവും താരം വഹിക്കും.
കഴിഞ്ഞ അഞ്ച് വർഷത്തെ പതിവ് വിജയ് ദേവരകൊണ്ട തുടരുകയാണ്. ട്വിറ്ററിലൂടെ താരം തന്നെയാണ് ഇക്കാര്യം അറിയിച്ചത്. യാത്ര ചെയ്യാൻ ആഗ്രഹിക്കുന്ന സ്ഥലം കണ്ടെത്തുന്നതിനുള്ള ഒരു വോട്ടെടുപ്പ് താരം പങ്കിട്ടു.
ഇന്ത്യയിലെ മലനിരകൾ, ഇന്ത്യയുടെ ബീച്ചുകൾ, കൾച്ചർ ട്രിപ്പ്, ഇന്ത്യയുടെ മരുഭൂമികൾ എന്നിങ്ങനെ നാല് ഓപ്ഷനുകൾ ആരാധകർക്കായി അവതരിപ്പിച്ചു. അവരിൽ ഭൂരിഭാഗവും തിരഞ്ഞെടുത്തത് ഇന്ത്യയിലെ മലനിരകളാണ്.
“അഞ്ച് വർഷം മുമ്പ് ഞാൻ തുടങ്ങിയ ആചാരം. ഇത്തവണ എനിക്ക് മികച്ച ആശയം സമ്മാനിച്ചു. ഞാൻ നിങ്ങളിൽ 100 പേരെ എല്ലാ ചെലവുകളും അടക്കമുള്ള അവധിക്ക് അയയ്ക്കുകയാണ്.
യാത്ര ചെയ്യാൻ ഒരു സ്ഥലം തിരഞ്ഞെടുക്കാൻ എന്നെ സഹായിക്കൂ", നടൻ പോൾ പങ്കുവെച്ചു. 42 ശതമാനത്തിലധികം പേർ ഇന്ത്യയിലെ മലനിരകളിലേക്ക് പോകുമെന്ന് അഭിപ്രായപ്പെടുന്നു. 27 ശതമാനം പേർ ഇന്ത്യയിൽ ഒരു സാംസ്കാരിക യാത്ര നടത്തുമെന്നും 24 ശതമാനം പേർ ഇന്ത്യയിലെ ബീച്ചുകൾ പോകണമെന്നും പറഞ്ഞു. ഇന്ത്യയിലെ മരുഭൂമികൾ തിരഞ്ഞെടുത്തത് 6 ശതമാനം മാത്രമാണ്.
