നായരമ്പലം സ്വദേശി രമ്യയെയാണ് ഭർത്താവ് സജീവൻ കൊലപ്പെടുത്തി വീട്ടുമുറ്റത്ത് കുഴിച്ചുമൂടിയത്. ഒന്നര വർഷം മുമ്പ് രമ്യയെ കാണാതായി, 2021 ഓഗസ്റ്റ് 17 മുതൽ രമ്യയെ കാണാനില്ലെന്ന് കാണിച്ച് വീട്ടുകാർ പോലീസിൽ പരാതി നൽകി. തുടർന്ന് ഒരു പത്രപരസ്യവും നൽകി.
നരബലി കേസിനെ തുടർന്ന് കാണാതായ സ്ത്രീകളെക്കുറിച്ചുള്ള വിവരങ്ങൾ ശേഖരിച്ച് അന്വേഷണം ഊർജിതമാക്കിയ പൊലീസ്, തുടർന്നുള്ള അന്വേഷണത്തിലാണ് ഞെട്ടിക്കുന്ന കൊലപാതകത്തെക്കുറിച്ചുള്ള വിവരങ്ങൾ പുറത്തുവന്നത്.
രമ്യയും ഭർത്താവ് സജീവും എടവനക്കാട് വാടകയ്ക്ക് താമസിക്കുകയായിരുന്നു. രമ്യയെക്കുറിച്ച് നാട്ടുകാരും അയൽവാസികളും ചോദിച്ചപ്പോൾ അവൾ ജോലിയിലാണെന്നും പുറത്താണെന്നുമാണ് സജ്ജീവൻ പറയാറുണ്ടായിരുന്നു.
പോലീസ് നിരീക്ഷണത്തിലായിരുന്ന സജീവനെ കഴിഞ്ഞ ദിവസം ചോദ്യം ചെയ്ത് വിട്ടയച്ചിരുന്നു. ഇന്ന് രാവിലെ വീണ്ടും കസ്റ്റഡിയിലെടുത്ത് ചോദ്യം ചെയ്തപ്പോഴാണ് കൊലപാതക വിവരം പുറത്തറിയുന്നത്.
