കഴിഞ്ഞ വര്‍ഷം കായ്ച്ചെങ്കിലും കിളികളും മറ്റും ഭക്ഷിച്ചതോടെ പഴുത്ത ചക്ക കിട്ടിയില്ല. ആദ്യം സാധാരണ ചക്കയുടെ രൂപത്തിലാണെങ്കിലും മൂപ്പെത്തുന്നതോടെ ചുള വേര്‍തിരിഞ്ഞ് തൊലിയില്ലാതാകും. പ്ളാവിലിപ്പോള്‍ ഒമ്ബത് ചക്കകളുണ്ട്. സാദാ ചക്കയുടെ മണവും രുചിയുമാണിതിനും. സാധാരണ വലിപ്പത്തില്‍ പനനൊങ്ക് പോലെയുള്ള കുരുവാണുള്ളത്. പ്രത്യേക പരിചരണമൊന്നും ആവശ്യമില്ല.
പ്രസിഡന്റ് അവാര്‍ഡ് ജേതാവായ അച്ഛന്‍ കെ.സി.കുര്യക്കോസ് 1979ല്‍ ആരംഭിച്ച നഴ്സറിയാണ് ജോസ് ഇപ്പോള്‍ നടത്തുന്നത്. അമ്മ ഏലിയാമ്മ, ഭാര്യ ആശ, മക്കളായ സിറില്‍, സെബിന്‍, എമില്‍ എന്നിവര്‍ ജോസിന് പൂര്‍ണ പിന്തുണയുമായി കൂടെയുണ്ട്. പഴുത്ത് ഗുണമേന്മ അറിഞ്ഞ ശേഷമേ തൊലിയില്ലാ ചക്കയുടെ വിപണന സാദ്ധ്യത കണക്കാക്കാനാകൂ. എങ്കിലും ചക്ക പ്രേമികള്‍ക്ക് വേണ്ടി തൈ എത്തിച്ചു നല്‍കാന്‍ ആലോചനയുണ്ടെന്ന് ജോസ് ചീരക്കുഴി പറയുന്നു.
